Prisintazioni di CHD

Identità di « Corsica Haut Débit »

urganisazioni di u Prughjettu

Corsica Haut Débit hè l’intità ghjuridica didicata à a diligazioni di Sirviziu Publicu in u quatru d’una cunvinzioni incù a CTC. A sucità « Corsica Haut Débit » hè una sucità anonima, imatriculata à u Righjistru di u Cumerciu è di i Sucità d’Aiacciu sottu à numaru 432 706 265. U so indirizzu suciali si trova à u Palazzu Colomba, stretta Colomba, 20 000 AIACCIU.

« Corsica Haut Débit » hè una filiali di u gruppu « Orange ». « Corsica Haut Débit », chì pocu à pocu hà apartu, à partasi di u quartu trimestru di u 2007, una gamma sana di prudutti è di sirvizii pà tutti l’uperatori è i gruppi sarrati di utilizadori, hè un uperatori à l’ingrossu.
U scopu di « Corsica Haut Débit » ùn hè micca di venda i so prudutti à i clienti finali.

“Corsica Haut Débit hè una filiali di u gruppu Orange “

« Corsica Haut Débit » è a CTC
Missioni di « Corsica Haut Débit »

Corsica Haut Débit : custruiscia, sfruttà è cumircializà a réta à altu flussu di a Corsica

A missioni di « Corsica Haut Débit », com’ella hè data da a Cullettività di Corsica, hè a cuncizzioni, a rializazioni è a sfruttera d’una reta di cumunicazioni elettronichi annnant’à u tarritoriu corsu, apartu à l’insemi di l’uperatori è i gruppi sarrati d’utilizadori.
Cusì, « Corsica Haut Débit » hè stata incaricata di a custruzzioni in dui anni d’una reta cuncipita in ghjiru à una architettura in fibri ottichi. U scopu hè di pudè copra 99,3% di a pupulazioni incù l’aiutu di a tecnulugia NRA ZO chì veni à cumplittalla. In fini di cuncissioni, a reta rivinarà à a Cullettività di Corsica.
Sta reta hè aparta à tutti l’attori di u marcatu di i telecumunicazioni. « Corsica Haut Débit » hè a vucazioni di cumercializà una gamma cumpleta di prudutti è di sirvizii (lucazioni di fibri, banda passenti, racolta DSL à l’ingrossu) à tutti l’uperatori è utilizadori di i reti indipendenti incù prezzi à bon pattu.

« Corsica Haut Débit » rispondi cusì à a brama di a Cullettività di Corsica chì si voli dà infrastrutturi à flussu altu annant’à u so tarritoriu. Incù una pupulazioni isulana cuparta à guasgi 100% è una reta muderna in tecnica Gigabit Ethernet, a Corsica si trova ben piazzata pà risolva u prublema di a frattura numerica è di a tecnulugia.

“Corsica Haut débit cumercializeghja una gamma cumpletta di prudutti è di sirvizii pà l’uperatori”

L’instanzi di cuntrolu

Cumitatu strategic è cumitatu di suvitu

U cumitatu strategicu

Avà, un cumitatu strategicu ùn s’adunisci più cà una volta à l’annu dopu à avella fatta dui volti à l’annu duranti u periudu di cuncipitura è d’impiantazioni di a Reta.
U scopu di stu cumitatu strategicu hè d’infurmà i so membri di l’avanzamentu d’esecuzioni di a Cunvinzioni.

U cumitatu di suvitu

Un Cumitatu di suvitu di a Dirizzioni di u Prughjettu s’hè adunitu una volta u mesi duranti u periudu di studiu è di custruzzioni. S’adunisci sempri ancu avà quandu u bisognu ci hè.

U scopu di stu Cumitatu di suvitu di a Cunvinzioni di Cuncissioni hè :

  • Di suvità l’esecuzioni di tutti i tappi di studiu, di custruzzioni è di sfruttera di a reta di cumunicazioni da assicurassi di u rispettu di a Cunvinzioni di Cuncissioni,
  • Di prupona i migliuramenti chì pudariani essa purtati à u prughjettu,
  • Di scambià i infurmazioni nicissarii à u bon andà di a Cunvinzioni di a Cuncissioni.